Varese Press giornale online

gli altri siamo noi

Rocco Criseo ci delizia con una sua poesia per chi è di Bova Marina o della zona

RICORDU

Vecchju pajsi ti ricord’ancora
Na fil’e casi e pedi da nchjanata
U lampiuneddu chi luciva fora
Na strata rutta menza nsilicata

Ddu viculi a undi si sentiva
U hjavuru di hjur’i gelsominu
Di lu pigadi l’acqua si mbiviva
A butti dava sempri bonu vinu

Arret’e casi nc’era l’orticeddu
Nu pergulat’i grappul’i recina
U gaddinaru a zzimba cu porceddu
Nta stati a nespulara sempri china

Ca rumbula jocav’o figghjoleddu
Nta chjazza era tuttu nu vociari
Ricchizzi di nu burgu povereddu
C’aviva pocu o nenti pe campari

Nta la campagna surchi di majisi
Cu facigghjuni si tagghjav’o granu
Si travagghjava trenta jorn’o misi
Non nc’era paci mai pe lu viddanu

E ped’i portugallu e cerasari
Caccioffuli servaggi e cim’i rapa
Muredd’e cezzu e arbur’i ficari
Sipali e caddozzuli di crapa

Spittiddijav’o ‘nvernu lu brasceri
Ntornu si cogghjiva la famigghja
A sira si dassavunu i misteri
Cercava ognunu sonnu pe mi pigghja

Nto tempu poi di la bedda stagiuni
Nte sposalizi spasi di cunfetti
Na caddarata chin’e maccarruni
E tuttu ntornu sonu d’organetti

Chi duci sti ricordi di na vota
Nu mundu chi non poti cchju’ veniri
Cu canti e balli si faciva rota
Mumenti beddi chi non ti poi sperdiri

Rocco Criseo

Please follow and like us:

Lascia un commento